13/4/16

Delles veces la vida


Un estrofa de versos defectuosos,
botella vacia, frases que nun salen
de la boca, esos besos qu'un res valen
pa los nuestros silencios arguyosos.

Poques coses, yá ensin utilildá:
la melodía escasa, solamente
unes güelgues, un pequeñu accidente,
miseries de doméstica verdá.

Delles veces la vida ye un impulsu
vistíu d'olvidu, que nos afuega
nun llamuergu indefiníu y convulsu.

Delles veces la vida mira, ñega,
y poco a poco'l valor nos agota,
y queda aburrida, callada, rota.

No hay comentarios:

Publicar un comentario