ACERCA DE MI

Nací en Figareo, conceyu de Mieres, en 1.961.

Fui miembru de l’asociación Conceyu Bable y profesor de llingua asturiana.

Nomáu secretariu de la Xunta pola Defensa de la Llingua Asturiana en 1985, onde coordiné numberoses acciones de protesta pola denegación de derechos llingüísticos.

Xunto con Juan Bonifacio Lorenzo Benavente y Xicu Monteserín fundo en 1988 Orbayando, revista asturiana d’información, que codirixo hasta l’añu 1990.

Nel 1990 creo con otros autores asturianos l’asociación Escritores y Traductores en Llingua Asturiana (ETLLA) de la que fui’l so presidente.

En 1992 empobino los trabayos que llevaron al envíu al gobiernu d’Asturies d’una Propuesta de Llei d’Usu y Protección de la Llingua Asturiana. Entamo contactos con Galeusca, promoviendo l’aconceyamientu en Xixón de la directiva d’esta entidá onde se pide l’ingresu de los escritores asturianos, midida pa la que se llogra l’apoyu de l’Associació d’Escriptors en Llengua Catalana.

Presidí dempués, dende la so nacencia en 1996, la Sociedá d’Escritores en Llingua Asturiana (SELLA). Promoví la IV Xunta d’Escritores Asturianos celebrada en Villaviciosa en 1996, y promoví y fui’l coordinador de la V Xunta d’Escritores Asturianos fecha en Lluanco en 1998.

En 2006 creo l’Arribada, foru lliterariu y cultural que tien la so sede nel conceyu de Xixón, y que tamién desarrolla actividaes n’otros conceyos asturianos.

Asesor del Grupu Municipal Popular de Xixón (mandatu 2007-2011).

Miembru de la Xunta Rectora de la Fundación Municipal de Cultura, Deportes y Universidá Popular de Xixón (ochobre de 2005-2007 / mandatu 2007-2011/ mandatu 2011-2015)..

Miembru de númberu de representación nel Rel Instituto de Estudios Asturianos (2007-2012).

Presidente del Círculu Lliberal.

Miembru del Conseyu Asesor de la Llingua Asturiana del Ayuntamientu de Xixón.


No hay comentarios:

Publicar un comentario